Ulttyq Bank jeke tulǵalarǵa qyzmet kórsetpeıdi jáne halyqpen aqshalaı esep aıyrysýdy júrgizbeıdi.

Esterińizge sala keteıik, alaıaqtar ózderin Ulttyq banktiń qyzmetkerleri retinde tanystyra otyryp, óz qarajatyn urlaý maqsatynda QR azamattaryn adastyrady. Bul shemalar sonymen qatar "arnaıy operasıalar" syltaýymen "quqyq qorǵaý organdarynyń qyzmetkerleriniń"qatysýymen júzege asyrylady. Bul rette óz is-áreketteriniń zańdylyǵyn rastaý retinde "Ulttyq bank qyzmetkerlerine" qońyraýlar jiberiledi, qyzmetkerlerdiń jalǵan kýálikteri, banktik aýdarymdar úshin derektemeler jiberiledi.

Mundaı qujattarda kóbinese azamattyń nesıelik bereshegin óteý úshin azamattar aýdarǵan aqshalaı qarajaty bar bankterde shottary nemese seıftik uıashyqtary bar ekendigi týraly aqparat bolady. Budan basqa, qujatta "ýákiletti tulǵalardyń"qoldary, ataýlary, mórleri jáne basqa da rastaıtyn elementteri ornalastyrylady.

Bank operasıalaryn rastaıtyn jalǵan qujattardy nemese jalǵan fotosýretteri bar kýálikterdi paıdalaný azamattardyń senimin arttyrady jáne alaıaqtarǵa úlken somany aýdarýǵa májbúr etedi.

Osyǵan baılanysty Ulttyq Bank "quqyq qorǵaý júıesi qyzmetkerlerinen" nemese "Ulttyq bank qyzmetkerlerinen" telefon qońyraýlary túsken kezde áńgimeni úzýdi jáne alaıaqtyq "arnaıy operasıalardy"júrgizýge qatyspaýdy usynady. Budan ári 1477 nómiri boıynsha quqyq qorǵaý organdaryna nemese Ulttyq Banktiń Baılanys ortalyǵyna júginý qajet.

Ulttyq Bank uıaly qosymshalardy ornatpaýdy, óziniń derbes derekterin ashpaýdy, uıaly telefonǵa qashyqtan qol jetkizýdi usynbaýdy jáne telefon arqyly sóılesý barysynda alynǵan nusqaýlar boıynsha aqshalaı qarajatty úshinshi tulǵalardyń shottaryna aýdarmaýdy suraıdy.